Aktividatnan ku Stichting Alzheimer Curaçao ta ofresé
Informashon na komunidat
Hòfi Alzheimer
Kada dos luna tin un enkuentro informativo i sosial pa e persona ku demensia, su kuidadó i públiko en general. Nos ta tene esaki na Bandariba, parti sentral i Bandabou. Esaki ta un aktividat liber i kada hòfi tin un otro tópiko. Sea un Persona ku demensia, un famia kuidadó, Sikiatra, Enfermera, Internista, Neuro Sikólogo, Hurista sa ta invitado den nos hòfi.
Charla
Nos ta duna charla di e malesa i tambe riba petishon, na diferente instansia. Klupnan di damas, empresanan, skolnan i institutonan di kuido.
Kurso pa famia kuidadó
Un kurso di 4 dia pa e famia por siña kon pa dil ku un persona ku demensia.
E tópikonan ta:
-
E malesa i su desaroyo,
-
E kuido i tratamentu medisinal i no medisinal,
-
Aktividat pa i ku e persona ku demensia,
-
Kon kuida bo mes dunando kuido.
E dosentenan di e kurso aki ta Sikiatra, Dosente den Enfermeria, E Enfermera ku ta atendé e ora di konsulta i un profeshonal di Aktividat.
Konsulta grátis
Durante di e konsulta ta duna informashon di e malesa, e pronóstiko, kon pa duna e kuido i regla e tareanan entre famia. E sita ta ku un enfermera segun palabrashon personal of via di videocall.
Aktividat pa e persona ku demensia, huntu ku su kuidadó
Kada luna pasa nos ta organisá un aktividat sosial pa e persona ku demensia huntu ku su famia kuidadó. Esaki ta pa saka e persona for di su isolashon i pa e por disfrutá. E kuidadó tambe ta haña chèns di eksperensiá e persona den un otro ambiente i e tambe por disfrutá i relahá. Aktividat nan manera, trep den haf, trep den bus, moveshon, músika i baile. Tambe nos ta partisipá ku aktividat pa e personanan aki den kuadro di Curadoet.
Luna di Alzheimer
September ta luna mundial di Alzheimer, dia 21 di September ta “Dia Internashonal di Alzheimer”. Durante di e luna aki nos ta organisá diferente aktividat pa e personanan ku demensia, sea ku nan ta na kas o den un kas di kuido.
Train the trainers
Nos ta organisá kurso pa profeshonalnan di kuido pa siñanan kon duna un mihó kuido na persona ku demensia i kon pa dirigí grupo di kombersashon di famianan.
Tèst di Memoria
Proyekto di tèst memoria, su meta pa detektá demensia trempan.
demensia ta keda referí na dòkter di kas ku
E personanan ku tin indikashon di demensia, por buska yudansa trempan
Nos ta hasi tèst na ofisina segun sita. E tèst ku ta wòrdu uza ta e MMSE, Mini Mental State Exam.
