Bonbiní serka Stichting Alzheimer Curaçao
Demensia
Demensia ta karakterisá su mes pa pèrdida di memoria, kambio di personalidat i desorientashon komo e síntomanan mas prinsipal.
![Wereld-Alzheimer-Dag-Foto-GettyImages-1](https://alzheimercuracao.com/wp-content/uploads/2022/04/Wereld-Alzheimer-Dag-Foto-GettyImages-1.jpg)
Fundá: 1 Maart 2000
Alzheimer
Alzheimer ta un di e tiponan di demensia. 60 pa 70 % di personanan ku ta sufri di demensia, ta sufri di e tipo di Alzheimer.
![4-48-1170x780](https://alzheimercuracao.com/wp-content/uploads/2022/04/4-48-1170x780-1-1024x683.jpg)
-
E memoria kòrtiku ta bai atras promé. E persona ta lubidá tur susesonan resien pero esnan di ántes sí ta kla den su memoria, hasta di su hubentut. Sinembargo segun e malesa ta sigui avansá, e memoria largu aki tambe ta bai pèrdí.
-
E persona su personalidat por kambia di un hende trankil pa un hende agresivo ku ta rabia i o zundra lihé o di un persona ordená pa un persona desordená.
-
E por desorientá den tempu, sitio i/o persona.
E persona su komprondementu i su hablá ta bai atras.
Un bista general di desaroyo di e malesa
-
E persona ta lubidá hopi i ta desorientá. Tin kambionan den su personalidat i e no ta reakshoná lihé. E por pèrdè habla i papiando, e por lubidá loke e ta bai bisa.
-
Por mira klaramente ku e persona ta limitá den su funshonamentu. E ta lubidá tempu, fecha i ora i e por keda sin rekonosé famia i amigu. Ayudo profeshonal ta bira nesesario. Por nota tambe kambio di komportashon.
-
E persona tin mester di kuido 24 ora pa dia. E ta pèrdè kontrol riba tripa i blas. E ta bira kompletamente dependiente di otronan. Por surgi problemanan serio pa salú, manera insomnia, halusinashon: mira, tende, hole i sinti kos ku no tei, e ta pèrdè kontròl riba su tripa, gulimentu i tambe riba su kanamentu. E ta bira mas vulnerabel pa infekshon, fraktura i por surgi komplikashon ku halamentu di rosea.